2014 წლის 21 აგვისტოდან ჯუნა გერსამია დაინიშნა საქართველოს შრომის, ჯანმრთელობისა და სოციალური დაცვის სამინისტროს ეკონომიკური დეპარტამენტის საფინანსო-საბიუჯეტო სამმართველოს სპეციალისტის მოვალეობის შემსრულებლის თანამდებობაზე.

იგი მონაწილეობას იღებს ქვეყნის ძირითადი მონაცემებისა და მიმართულებების დოკუმენტის (BDD), სახელმწიფო ბიუჯეტის პროექტის, სამინისტროსათვის გათვალისწინებული ასიგნებების კვარტალური განწერის, ყოველკვარტალური და წლიური ანგარიშების მომზადებაში; ასევე, სამინისტროს ბიუჯეტის ხარჯვის პროცესის კოორდინაციასა და დამტკიცებულ ბიუჯეტში ცვლილებების განხორციელებაში; მონაწილეობს სამმართველოში შემოსული კორესპონდენციის განხილვისა და პასუხის მომზადების პროცესში. კანონმდებლობის შესაბამისად ითანხმებს სამინისტროს დაქვემდებარებაში მყოფი საჯარო სამართლის იურიდიული პირების შესყიდვების გეგმებს და კომპეტენციის ფარგლებში მონაწილეობას იღებს სხვადასხვა სახის ნორმატიული აქტების პროექტების მომზადებაში. მის საკურატოროს განეკუთვნება სსიპ - ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და  დახმარების სახელმწიფო ფონდი და სსიპ - სასწრაფო სამედიცინო დახმარების ცენტრი. ასევე, „რეფერალური მომსახურების“ პროგრამის ფარგლებში ამზადებს ჩატარებული კომისიების ხარჯვის მიმდინარეობის შესახებ ანალიზს კატეგორიების მიხედვით.

აღნიშნულ პოზიციაზე მუშაობის პროცესში ჯუნა გერსამია გამოირჩევა პასუხისმგებლობის მაღალი გრძნობით, შრომისმოყვარეობით, პუნქტუალურობით, საქმისადმი ერთგული დამოკიდებულებით, კვალიფიკაციის ამაღლებისა და ცოდნის გაღრმავებისკენ მუდმივი სწრაფვით და გუნდური მუშაობის უნარით. იგი სრულყოფილად ასრულებს დაკისრებულ მოვალეობებს.

ზემოაღნიშნულიდან გამომდინარე, რეკომენდაციას ვუწევ ქალბატონ ჯუნა გერსამიას, რომ დაინიშნოს საქართველოს შრომის, ჯანმრთელობისა და სოციალური დაცვის სამინისტროს ეკონომიკური დეპარტამენტის საფინანსო-საბიუჯეტო სამმართველოს სპეციალისტის თანამდებობაზე.

ეკონომიკური დეპარტამენტის უფროსის მოვალეობის შემსრულებელი

ნოე ქინქლაძე